| BALD im MITGLIEDER-Teil!
Ich bin an zwei Projekten, Schrittchen für Schrittchen! Nur für registrierte Miglieder erreichbar. Einige Teile des «Moduls Navigation» (Themä-Siitä) ist schon fertig – es geht weiter. Dasselbe gilt für das Modul «Apollo Space Program»! |
Grüezi wohl uf dä gebowa-Websiite
Aso, das da isch mini (WordPress)-BLOG-Siitä.
Da chamer, wämer dänn will, ächli öppis über mich erfahre. Ich ha zwar diä Siitä vor allem emal zum Teschtä bbrucht, aber underdessä hät sich doch der eint oder ander Biitrag iig’schlichä. Und so lani si halt schtah, mini Blog-Siitä und bouä si ab und zuä sogar echli uus. Wär möchti chönne sini Meinig kundtue, mues sich allerdings zeerscht aamälde (Mitgliedschaft beaaträge über s› Kontaktformular)! Mängisch chumi sogar dezue, sonä-n-Aamäldig freiz’schaltä (oder eifach ohni Kommentar abz’lehnä).
Verschideni «extern gschtüüreti» Sachä händ’s nötig g’macht, dasi di ganz Websiitä ha müesä-n-umschtellä. So isch si jetzt au mit PHP 7.xx kompatibel und ich ha es paar WordPress-Plugins müese ersetzä. Da demit isch vor allem mini WordPress-Siitä (da wo Du/Sie grad g’landet bisch/sind) parat, zum i Zuekumft neueri Biiträg überzchoo. Das wotti jetzt dänn ab und zue machä – und wünsche vill Vergnüegä bim Dureschtööberä!
AH JA, NO ÖPPIS: Ich ha uf derä Siitä Biiträg imene-n-öffentliche Teil, aber au imene privatä (Mitglieder-) Teil. Wämer nöd Mitglied isch, cha’s eim passierä, dass mer plötzlich, anstatt en Biitrag z› gsee, wider uf dä «WP Home»-Siitä landet. Das isch nöd en Fähler, sondern halt ebä zum dä Mitgliederteil z› schütze. Wer gärn au deet wet inäluegä, cha über s› Kontaktformular ä Mitgliedschaft beaaträgä!
Ich hoffä, s’hät s’eint oder ander, wo vilicht sogar echli interessant isch, wer weiss!
Wär das Züritüütsch-Chuderwälsch nöd verschtaht (Wer dieses Zürcher Dialekt Kauderwelsch nicht versteht, kann sich den Inhalt dieser Willkommens-Seite auch in Hochdeutsch oder Englisch anschauen: Alternativ_WP_Home.
gebowa
P.S. Übrigens, min Namä-n-isch Geri Boller und ich wonä-n-im schönä Züri-Oberland, a de Schtraass wo heisst wiä dä Huusbärg i däm Dorf womär cha i Richtig Laupä, oder i Richtig Gibswil, oder uf Rüti oder in Hasi ufä-n-abhauä. Ja genau, dä Namä hät öppis mit villnä Böim z’tue, wär meh mues wüssä, chamer ja ä chliini Botschaft übers Kontaktformular schickä, jetzt tuets wider! (Und wer’s nonig weiss, cha au im «Footer» go naaluegä).
Wintertage – iPhone Fotorückblende
Häxeschuppä nach em Murgang
Hab´s wieder mal getan!
Neue LOGIN-Seite (Anmeldung)
